Дээрхийн гэгээнтэн Далай ламын айлдвар Хамба лам, гавж Д.Чойжамцын өмнөтгөл оршил болох нь.
-- IX Богд Жамбалнамдолчойжижанцангийн намтар оршвой.
-- 1990 оноос өмнө IX Богд Жавзандамба хутагт лугаа Монголоос хэн хэн уулзаж байв?.
-- IX Богд Жавзандамба хутагт 2009 онд Монголд дахин морилсон нь.
-- Есдүгээр Богд Жавзандамба хутагтын айлдвар, сургаалиас.
-- IX Богд Жавзандамба хутагт: Намтарын он дараалалын товчоон.
-- IX Богд Жавзандамба хутагтын тухай дурсамжууд.
-- Монгол улсын төрийн түшээдийн дурсамж.
-- IX Богд Жавзандамба хутагтын гэр бүлийнхэний дурсамж.
-- IX Богд Жавзандамба хутагтын шавь, үйлчилж байсан болон бусад холбогдох хүмүүсийн дурсамж.
-- IX Богд Жавзандамба хутагт лугаа холбогдол бүхий баримт бичгүүдээс.
-- IX Богд Жавзандамба хутагтыг батламжилсан Далай ламын 1991 оны зарлиг, холбогдох баримт бичгүүд.
-- IX Богд Жавзандамба хутагт Монгол улсаас 1999 онд гарсантай холбогдох бичиг.
-- IX Богд Жавзандамба хутагт лугаа холбогдол бүхий гэрэл зургийн цомог.

1911 оны 12 дугаар сарын 29-ны өдөр Монголчууд Манж гүрнээс салж, бие даан тусгаар тогтносноо дэлхий дахинд албан ёсоор зарлаж, VIII Богд Жавзаядамба хутагтыг Монгол Улсын эзэн хаанаар өргөмжилсөн билээ. Эл түүхэн үйл явдлыг санаачлан, оройлон зохион байгуулсан, удирдагч VIII Богд Жавзандамба хутагтыг эдүгээ Монголчууд бараг мартах шахжээ. Түүний тухай социализмын үед шар феодал, сохор энэ тэр гээд бүхий л талаар нь муучлан доромжилж байв. Бүр түүнийг амьсгалаа хураан хураатлаа монголын ард түмний дайсан байсан мэтээр бичиж байлаа. Монголын сүүлчийн эзэн хаан VIII Богд Жавзандамба хутагтын Монголын тусгаар тогтнолын төлөө тэмцэлд оруулсан хувь нэмэр, 1911 оны үндэсний хувьсгалын урьдчилсан нөхцөл, өрнөл, оргил болон Богд хаан ба Ардын засгийн газрын харилцаа, Богд хаан таапап болсон, түүний хойд дүрийг тодруулах гэсэн оролдлого, Богдын хөрөнгийг хураасан талаар архивын эх сурвалжид тулгуурлан аль болох бодитоор нээн харуулахыг хичээнгүйлэн оролдлоо. Богд хаан бол монгапчуудын шашины тэргүүн, 1911 оноос төр, шашиныг хослон барьсан эзэн хаан, эгэлгүй нэгэн удирдагч, үндэсний хувьсгалын эцэг байсныг мартаж яахин болно.