Жулиан Ассанж 1971 оны 6-р сарын 3-нд Австрали улсын Куинсландийн Тоунсвиллэд төрсөн. Австрали улсын иргэн. Мелбурний их сургуулийг төгссөн. Wikileaks төслийг үндэслэгч, үүсгэн байгуулагч бөгөөд Wikileaks цахим хуудасны ерөнхий хянагч юм. Нэг хүүтэй. 2008 онд “Үзэл бодлоо чөлөөтэй илэрхийлэх эдийн засагч шагнал”, 2009 онд Англи дахь “Амнести Интернейшнл - Хэвлэл мэдээллийн салбарын шагнал”, 2010 онд “Сам Адамсийн шагнал” -аар шагнагдсан.

Wikileaks цахим хуудастай ажиллахаас өмнө компьютерийн програмч хийж байв. Тэрээр олон оронд амьдарч байсан ба хэвлэл мэдээллийн эрх чөлөө, шүүмжлэл, эрэн сурвалжлах сэтгүүл зүйн тухай ярихаар олон нийтийн өмнө хааяа нэг гарч ирж байлаа.

2006 онд маргаан дагуулсан Wikileaks цахим хуудсыг байгуулсан Ассанже вебсайтын зөвлөхөөр ажиллажээ. Цахим хуудас дээрээ Кени улс дахь хууль бус аллага, Африкт хортой хог хаягдал булшилсан тухай, Сүмийн Scientology урсгалын гарын авлагууд, Гуантанамогийн шоронгийн үйл ажиллагаа, Kaupthing ба Julius Baer банкны тухай зэрэг олныг шуугиулсан материалыг нийтэлсэн юм. 2010 онд Афганистан, Иракийн дайнд оролцсон АНУ-ын нууц материал, бичиг баримтуудыг нийтлэв. Дараа нь 2010 оны 11-р сарын 28-нд Wikileaks болон хэвлэл мэдээллийн таван түншүүд АНУ-ын дипломат холбооны нууц бичиг баримтыг олны хүртээл болгож эхлэв.

2010 оны 11- сарын 30-нд Шведийн Готтенбург дахь Олон улсын мөрдөн байцаалт явуулах оффисоос хүсэлт тавьсны дагуу Интерпол Ассанжийг гэмт хэрэгтний улаан жагсаалтанд оруулж, эрэн сурвалжилсан юм. Түүнийг бэлгийн хүчирхийлэл үйлдсэн гэмт хэрэгт сэжигтнээр байцаах болсон тул 2010 оны 12-р сарын 7-нд Лондон хотын Цагдаагийн газар сайн дураар баривчлагдсан байна. Ассанже түүний эсрэг тулгасан гэмт хэргийг хүлээн зөвшөөрөөгүй билээ.

Wikileaks засгийн газруудыг хүнд байдалд оруулж, Швейцарь банкны луйврыг ил гарган харуулсан. Энэ цахим хуудсыг бусдын нэр хүндийг сэргээхийн тулд ажиллах олон хуульчид хараандаа авч, гурван улсад албан ёсоор хориглосон. Яагаад? Нууц бичиг баримтыг нийтэлснээс болж уу.