Монгол улсын хууль зүйлийн бичгийн судалгааны тойм--Монгол улсын хууль зүйлийн бичгийг боловсруулсны учир--Монгол улсын хууль зүйлийн бичгийн эх сурвалж--Монгол улсын хууль зүйлийн бичгийн үндсэн агуулга--Монгол улсын хууль зүйлийн бичгийг улсын хурлаар хэлэлцсэн нь

Зарлигаар тогтоосон Монгол Улсын Хууль зүйлийн бичиг бол монголчуудын хууль цаазын уламжлал, Монгол Улсын тусгаар тогтнол, бүрэн эрхт байдлыг бататгасан, тэдгээрийн зан заншил, ахуй байдал, нийгмийн олон талт харилцаа тухайлбал, Монгол Улсын нутаг дэвсгэр, засаг захиргааны зохион байгуулалт, түшмэдийн ёс, сүм хийд, өртөө улаа, газар, байгаль орчин, ан ав, уул уурхай, эрдэс баялгийн ашиглалт, хамгаалалт, цэрэг, зэвсэгт хүчин, нийгэм, эдийн засаг, соёл боловсрол, төрийн ёс, ёслол гэх зэрэг өргөн хүрээг хамран зохицуулсан, XX зууны монголын эрх зүйн тогтолцооны эхлэлийг тавьсан хууль цаазын эх сурвалж юм. Зарлигаар тогтоосон Монгол Улсын Хууль зүйлийн бичгийг боловсруулан баталж, дагаж шийтгүүлсэн нь Монгол үндэстэн бүрэн эрхтэй, тусгаар улс болон оршиж байсны хамгийн тод илэрхийлэл байв. Уг номонд Монгол Улсын Хууль зүйлийн бичгийн судалгааны тойм, уг бичгийг боловсруулсан учир шалтгаан, эх сурвалж, үндсэн агуулга зэргийн талаар дэлгэрэнгүй өгүүлжээ.