избет Саландер амь насыг нь хөнөөх гэсэн балмад эр болон амьдралыг нь нураан сүйдэлсэн төрийн институцээс өс хонзонгоо авна. Шударга бус тогтолцооноос болж айхтар хохирсон тэрээр хэнд ч итгэж болохгүйг яс махандаа шингэтэл ухаарсан боловч энэ удаад ганцаараа тэмцэж хүчрэхгүй байв. Мөр, толгойдоо буудуулж хүнд гэмтсэнээс болж эрчимт эмчилгээний тасагт эмчлүүлэх зуур түүний хамгийн заналт дайсан хажуу өрөөнд нь хэвтэнэ. Амьд гарах аваас хүн амины хэрэгт буруутгагдах аюул тосож байлаа. Цагдаагийн албан ёсны хамгаалалт дор Саландерыг зөвхөн эмч болон өмгөөлөгчтэйгөө харилцахыг зөвшөөрнө. Бломквист болон Millennium-ын сэтгүүлчдийн тусламжтайгаар Саландер өөрийн гэм буруугүйг нотлох хэрэгтэй болно. Гагцхүү тэгж гэмээнэ хүүхэд насыг нь сүйдэлсэн авлига, далд явуулгын ялзарсан тогтолцоог илчилж дөнгөх байв. Сэтгэцийн эмнэлэг, балмад хүчирхийллийг даван туулж гарсан Саландер эмнэлэгт ч гэсэн ахин тэмцэх болно.