Автомашин, цахилгаан эрчим хүч, харилцуур утас байгаагүй бол бидний амьдрал ямар байх байсан бол? Хөлөг онгоц, зүг чиг тодорхойлох аппарат, багаж төхөөрөмжүүд байгаагүй бол эх дэлхийнхээ алс холын газар орон, гариг тивүүдийг илрүүлэн нээж чадах байсан уу? Дээр дурьдсан бүхэн та бидний амьдралыг хөнгөвчилж, амар таатай байлгахын тулд хүмүүсийн нээж бий болгосон зүйлсийн ердөө нэгээхэн хэсэг юм. Тэр бүгдийг хэн бодож олж, бүтээж бий болгосон бэ? Тэдгээрийн ач холбогдол хэр чухал байсан юм? Эдгээр асуултын хариуг авахад энэ ном та бүхэнд туслаж, хүн төрөлхтөн түүхийнхээ туршид бүтээж хэрэглэж ирсэн гайхамшигтай зүйлсийн тухай мэдээллүүдийг өгөхийн зэрэгцээ эх газруудыг нээсэн тухай, далай тэнгисийн замууд, худалдаа наймааны хөгжил, сарыг судалж эхэлсэн түүх зэрэгтэй танилцуулах болно. Мэдээлэл баримт сайтай, сонирхолтой өгүүллүүд, ер бусын 3D зургууд номыг илүү сонирхолтой болгосон байна.