Ямагт хардлага төрүүлдэг хүн -- Урьдын явдал хийгээд өнөөгийн ажил үйл -- Шинэ дүрэм үү, дүрэмгүй тоглоом уу? -- Өр авлага - Угтвар тооцоо -- Хүсэл, хясаа -- Эрх мэдэл, түүний үнэ цэн буюу сүм хийд ба төр -- Орос маягийн газрын диваажин буюу өөрийн түүхийн эрэлд -- Тагнуул уу, иргэний нийгмийн төлөөний этгээдүүд үү? -- Ёс суртахуун улс төрийн зэвсэг болох нь -- Березовскийн захидал буюу өнгөрсөн үеийн сануулга -- Кремль буюу аз сорьсон орос тоглоом -- Бүтэлгүйтлээс боломж руу -- Кремльд ирсэн нь -- Тэмцлийн хүрээ өргөжив -- Эрх мэдэл хийгээд хэвлэл мэдээлэл -- Өнгөрсөн үеийн сүүдэр -- Бэлтгэл сургууль -- Сочи ба зөөлөн хүч -- Урам хугарахын учир хийгээд эрх чөлөө -- Гэрээ ба итгэл -- Дайн ба энх -- Хүйтэн энх тайван /

Хүберт Зайпель бол ихээхэн шуугиан тарьсан зурагтын олон баримтат кино найруулан тавьж байсан зохиолч, найруулагч хүн. Тэрбээр 2010 оноос эхлэн Путинтэй олон удаа уулзаж ярилцлага хийж, Оросын ерөнхийлөгчийг дагалдан олон айлчлал, аялалд нь хамт явж байсан бөгөөд түүний тухай зурагтаар хөрөг нэвтрүүлэг ч хийж байв.
Spiegel сэтгүүлд бичсэнчлэн тэрээр Оросын ерөнхийлөгчтэй урхинд оролгүй, нөлөөнд авталгүйгээр ойр дотно танилцаж чадсан хүн.

Түүнчлэн Зайпель бол Дмитрий Медведев зэрэг Путиний хань нөхөд болон урьдын олигарх Березовский нарын зэрэг дайснуудтай нь ч олон удаа уулзаж ярилцаж байсан хүн. Зайпелийн энэхүү ном бол Владимир Путин гэдэг бодгаль, түүний амьдрал үйл, тушаал шийдвэрийн талаар олон жилийн турш хийсэн судалгааны ажлын үр дүн юм.

Зохиогч өрнийн ертөнцийн олон нийтийн санаа бодолд голлон нөлөөлдөг (mainstream) хэвлэл мэдээллийн хэрэгслүүдээс огт өөр арга барил, замыг сонгожээ. Жишээлбэл, Путинийг Оросын нөлөөний хүрээг идэвхитэй тэлж өргөжүүлэхийг эрмэлзэж байна гэдэг үнэн юм уу? Эсвэл тэрбээр ерөөсөө л АНУ болон Европын холбооны булаан эзлэх бодлогыг сөрж, хориглон хамгаалж байгаа хүн үү? Ямар ч байсан эдүгээ Брюсселийнхэн мэдээжийн зүйл хэмээн үзэж буй НАТО-г дорно зүгт тэлж өргөжүүлэх ажил үйл нь хүйтэн дайны үед дайсан явсан улс орнуудын 1990 онд хэлцэн тохирч байгуулсан бүхий л гэрээ хэлэлцээрийг зөрчиж байгаа. Түүнчлэн Украины хэрэг явдал яагаад мөргөлдөөнд хүргэв? Хэрэв өрнийн улс гүрнүүд болон Майданы зөвлөл Киевт төрийн эргэлт гарахаас өмнө энх арга замаар шинэ сонгууль явуулахаар тохиролцсон зүйлүүдээ гуйвалтгүй сахин биелүүлсэн бол цус асгаруулсан тэрхүү мөргөлдөөнөөс сэргийлж болох байсан юм биш үү? гэх мэтийг дэлгэрүүлэн уншаарай.

Монгол (Кирил)