Ж.Эрдэнэбат: Үйл явдал урсан өнгөрөхөд үнэн түүх нь бүтээл болж үлддэг.
-- Ж.Мөнхбат: Мэндчилгээ.
-- Хөтөл үг.
-- Д.Дашдовдон, О.Бямбажав: Д.Сүхбаатарын нэрэмжит МПБ-ын түүхээс.
-- Нам засгаас МПБ-ын талаар гаргасан баримт бичгүүд.
-- МХЗЭ-ээс МПБ-ын талаар гаргасан баримт бичгүүд (1924-1984 он).
-- Монголын пионерийн байгууллагын ахмад зүтгэлтнүүдийн намтар, дурсамжаас
-- Зургийн цомог.
-- Товчилсон үг.

“Монголын Залуучууд” цуврал номын долоо дахь боть буюу “Монголын Пионерийн байгууллага” ном хэвлэгдэн гарлаа. Монгол оронд “Хойчийг залгамжлагч багачуудын холбоо” хэмээх хүүхдийн анхны байгууллага үүсч хөгжсөн түүх нь XX зуун болон XXI зуууны эхэн үеийн Монголын Залуучуудын хөдөлгөөний түүхийн бүрэлдэхүүн хэсэг юм. Хойч үе, үр хүүхдээ эрхэм дээд, үнэт эрдэнэт хэмээн үздэг Монголчуудын шилдэг өв уламжлалаар Монгол Улсын төр засаг хийгээд МАХН, МХЗЭ-ээс хүүхдийн байгууллага хөдөлгөөнд чухал ач холбогдол өгч, байнгын анхаарал халамжаа зориулж байсныг энэ номноос мэдэх боломжтой.
Энэхүү номыг Монгол Улсын Соёлын Гавьяат зүтгэлтэн, профессор С.Даш, Монгол Улсын Гавьяат багш Ц.Түвшинтөгс, Алтан гадас одонт, МХЗЭ, МЗХ-ны ахмад ажилтан Т.Баярсайхан нар эмхэтгэж, эрхлэн нийтлүүлсэн. Энэ бол ахмад үеийнхнээсээ суралцах, өнгөрсөн зууны үе тэнгийн залуусаа суралцах, шинэ зуунд бие дааж яаж амьдарч суралцахын бодит гарын авлага юм. Энэ ном бараг 1000 гаруй хуудастай, 200 гаруй зураг тайлбартай, Монголын өнцөг булан бүрийн хүүхдийн байгууллагын үүсэл хөгжлийг ямар нэг хэмжээгээр багтаасан өргөн мэдээлэл багтаасан байгаа