Номзүй х. 565-568

Парисын гүүрэн хонгил -- Диана Слайд шоу -- Хэцүү эмэгтэйчүүд -- Супер слоун -- Араатан амилахуй дор -- Онгон бүсгүйн эрэлд -- Анчин ба өгөөш -- Энэ үг ямар ч утгатай байлаа гэсэн... -- Гаслагийн дуун -- Тэргүүллийн асуудал -- Оддын тоос -- Ди-гийнхний хаанчлал -- Нулимс ба шивнээ -- Өөр нэг дурлал -- Хуял тачаал, худал хуурмаг, хуурцаг бичлэг -- Хөшиг хуу татагдахад -- Ариухан бүсгүй, нүгэлт эм -- Араатан ахин амилахад -- Одоо эсвэл хэзээ ч биш -- Сүүлчийн үзүүлбэр -- Осол -- Намайг дурсаж байгаарай!

Англичууд төдийгүй дэлхийн хүн төрөлхтний анхаарлыг хамгийн ихээр татаж, хайр хүндлэлийг хүлээсэн эрхэм хүмүүсийн нэг бол яах аргагүй Диана гүнж. Түүнийг амьд сэрүүн ахуйд хамгийн ойр дотно нөхөрлөж басхүү мөрдөн мөшгиж явсан Тина Браун гэх сэтгүүлч алдарт гүнжийн тухай “Диана гүнжийн түүх” хэмээх уг номыг бичсэн юм. Ард түмнийхээ дунд “Сэтгэл зүрхний хатан хаан” хэмээн хүндлэгддэг байсан түүний амьдрал өдгөө ч олны сонирхлыг татдаг. Англи улсын түүхэнд гэнэтхэн орж ирсэн Диана Фрэнсис Спенсэрийн жинхэнэ амьдралыг өнөө хэр үнэн бодитоор бичсэн зохиол тун ховор, бараг байхгүй гээд хэлчихэж болохоор. Харин энэхүү номд түүнийг чухам хэн байв гэдгийг бусдаас илүү бодитой дүрслэн бичжээ. Гоо үзэсгэлэн, нинжин сэтгэл, бусдыг хайрлах зүрх сэтгэлийнхээ хүчээр “дэлхийн хүн”-ий тоонд багтдаг түүний тухай бичсэн энэхүү ном Диана гүнжийн амьдралын эмзэг чухал зүйлсийг хөндсөнөөрөө онцлогтой юм. Уг номоос та бүхэн Диана гүнжийн бага нас, өсвөр насны тухай уншихгүй. Харин Уэльсийн гүнж гэх эрхэм алдрыг хүртсэнээс хойших дарамт шахалт, аз жаргал, гуниг баясал, хайр дурлал, атаа жөтөө, эрхэмсэг гүнж гэх алдрын цаадах эрээн бараан төдийгүй гэрэл гэгээтэй зүйлсийг унших юм. Түүнийг зарим хүн “Диана бол Их Британийн хаадын удмын нэр хүндийг сэвтүүлэхийг хүссэн хийрхэгч” гэж үнэлэх нь ч бий. Учир нь гүнжээр өргөмжлөгдсөн түүний амьдрал дардан байгаагүй. Гүнжийн амьдралд хөндлөнгөөс оролцон тоглож байсан эмэгтэйчүүдийн атаа хорсол, нийгмийн дарамт, үргэлж олны хэл амыг өөр дээрээ цавуу адил наадаг түвэгтэй гэж хэлж болохоор ээж, зальжин эмээ, аймшигтай бэргэнүүд, нас барах өдөр нь хүртэл өөрийн “нүд, чихээ” түүнээс хором ч салгаагүй хатан хааны дарамт шахалтын тухай эл номоос уншаарай. Энэ бүхний хажуугаар дэлхийн алдартнуудын хүрээлэлд хэрхэн томоохон байр суурь эзэлж байсныг ч өгүүлэх юм. Английн алдарт дуучин Элтон Жон, суут загвар зохион бүтээгч Жанна Версаче зэрэг эрчүүдтэй найзлан нөхөрлөж явсан тухай зохиогч нүдэнд харагдтал бичжээ. Харин гүнж чухам юуны учир хааны ордноос татгалзаж энгийн бүхэн рүү тэмүүлж, жирийн нэгэн эрээр хайрлуулахыг хүсэж байсныг “Диана гүнжийн түүх” номд өгүүлжээ. Номын хамгийн сонирхолтой хэсэг нь алдарт хайрын түүхийн хэсэг болох Хаснат Хантай хэрхэн танилцаж, яаж дурлалцсан тухай. Дурлалт хос Парист автомашины осолд орох хүртэлх үеийн сонирхолтой дурсамж түүхийг уншигч та бүхэн “Диана гүнжийн түүх” номоос сонирхоорой.

Монгол