Зохиогч номондоо оршил болгон: Эх, эцгийн амьдарч байсан хувьсгалын өмнөх үе, өөрийн бага балчир насны тухай өгүүлэх зүйл минь тэр үеийн монгол орны нийгэм-эдийн засаг, гадаад, дотоод нөхцөлийн талаар сонсож, үзэж, судалсан зэргээс төрсөн сэтгэлээс иш авсан болой. Монгол оронд үүрийн туяа гэгээрч, үүрдийн жаргал эхэлснээр үгээгүү ядуучуудын баясгалант амьдрал эхэлж, үр хүүхэд нь сурч боловсрох замд орсны дагуу шинэ амьдралын зах зухаас танилцаж явсан минь юм6 Сургуульд сурч, нам төр, боловсрол, шинжлэх ухаан, олон нийтийн үйл ажиллагааны өргөн хүрээнд татагдан орж зүтгэснээ ардын засгаас улс орноо дэвшлийн замаар удирдсаны их гавьяа, аж ахуй, соёлоо хөгжүүлэн зохиосны үр, аугаа их зөвлөлтийн ард түмнээс монголын ард түмэнд үзүүлсэн ах дүүгийн тусламжийн ач, ахмад олон гавьяатан, авьяаслаг анд нөхдийн маань дэмжлэгийн шим гэж гүнээ ухамсарлан би энэхүү дурсамж туужаа ерөнхийлөн бичив. Ийнхүү туулсан замаа эргэн дурсаж бодоход их далайн давалгаан дунд сэлэн явж өдий хүрсэн мэт санагдмой гэж бичжээ.